सन्धिखर्कमा सहकारी व्यवस्थापन सम्बन्धि अन्तरक्रिया कार्यक्रम सम्पन्न

९ चैत्र २०७९, बिहीबार ०७:५० 1 Minute 97 Views

श्याम घिमिरे,
चैत ८ अर्घाखाँची –
लुम्बिनी प्रदेश सहकारी बोर्डका कार्यकारी उपाध्यक्ष टिकाराम पोख्रेलले सहकारीहरु, सदस्य केन्द्रित बन्दै उत्पादनमुखि हुनुपर्नेमा जोड दिनुभएको छ । लुम्बिनी प्रदेश सरकार आन्तरिक मामिला, कानून तथा सहकारी मन्त्रालय, सहकारी दर्ता अधिकारीको कार्यालय राप्ती उपत्यका (देउखुरी) दाङको आयोजना र जिल्ला सहकारी संघ अर्घाखाँचीको समन्वयमा बुधवार सन्धिखर्कमा आयोजित सहकारी व्यवस्थापन सम्बन्धी अन्तरक्रि कार्यक्रममा बोल्दै पोख्रेलले यस्तो बताउनुभएको हो ।

पोख्रेलले सहकारीको काम बचत संकलन,ऋण लगानी र ब्याजबाट नाफा कमाउने मात्रै नभई, उत्पादन मुलक क्षेत्रमा लगानी गर्ने,आर्थिक स्तर नउठेका समुदायको स्तरबृद्धि गर्ने र प्रविधिको उपयोग गरि रोजगारीको बातावरण सिर्जना गर्ने रहेको भन्दै सहकारीहरुको त्यसतर्फ ध्यान जानुपर्नेमा जोड दिनुभयो ।

कार्यक्रममा लुम्बिनी प्रदेश सहकारी दर्ता अधिकारी भिमप्रसाद तिवारी, राष्ट्रीय सहकारी बोर्डका सदस्य सन्दीप सापकोटा लगायतले प्रशिक्षण मुलक मनतब्य सहित कार्यक्रमको सहजिकरण गर्नुभएको थियो ।

जिल्ला सहकारी संघ अर्घाखाँचीका अध्यक्ष प्रकाश भुसालको अध्यक्षता, उपाध्यक्ष जानका बन्जाडेको स्वागत मनतब्य र सचिव दोर्ण भुसालको सञ्चालनमा सम्पन्न कार्यक्रममा जिल्ला भित्रका बिभिन्न सहकारी संस्थाका प्रतिनिधिहरुको सहभागीता रहेको थियो । कार्यक्रममा सहभागी प्रतिनिधिहरुले सहकारीहरुको बर्तमान अबस्था लगागत सहकारी सम्बन्धी बिभिन्न बिषयमा गुनासो सहित सुझाब समेत राखेका थिए ।

 

kk

ताजा समाचार