मालारानी गाउँपालिका : अध्यक्ष कप भलिवल प्रतियोगितामा वडानम्वर ८ प्रथम

२५ बैशाख २०८०, सोमबार १७:२६ 1 Minute 92 Views

श्याम घिमिरे,बैशाख २५-

मालारानी गाउँपालिकाको आयोजनामा सञ्चालन भएको अध्यक्ष कप वडास्तरीय भलिबल प्रतियोगितामा वडानं ८ ले प्रथम स्थान हासील गरेको छ । खनदहको आदर्श माबिको खेल मैदानमा आइतवारबाट सुरु भएको प्रतियोगितामा वडानं ९ द्धितीय र वडानं ५ ले तृतिय स्थान हासिल गरेका छन । खेलमा मालारानी ८ का खेलाडी सुरज बिक उत्कृष्ट खेलाडि र अनुशासित तर्फ शालिग्राम बाँठा मगर पुरस्कृत भएका छन । प्रतियोगितामा प्रथम स्थान हासील गर्ने टिमले नगद रु ६० हजार,द्धतिय हुनेले ५० हजार र तृतिय स्थान हासील गर्ने टिमले रु ४० हजार नगद सहित ट्रफी , मेडल र प्रमाणपत्र प्राप्त गरेका छन ।

बिजयी खेलाडिहरुलाई मालारानी गाउँपालिका अध्यक्ष दलबहादुर भट्टराई, शिक्षा अधिकृत रमेश पन्थी , नेकपा माओबादी केन्द्रका पालिका कमिटी अध्यक्ष पदम क्षेत्री लगायतले बधाई सहित सुभकामना मनतब्य व्यक्त गर्नुभएको थियो । पुरस्कार बितरण तथा समापन कार्यक्रम पालिकाका प्रमुख प्रशासकिय अधिकृत सुरेश भुसालको अध्यक्षता र प्राबिधिक प्रमुख हरिषचन्द्र पाण्डेको सञ्चालनमा सम्पन्न भएको थियो ।

यसैबिच खेल अबधिभर उत्कृष्ट खेल प्रदर्शन गर्ने र अनुशासित पुर्बक खेल खेल्ने एक/एक जना खेलाडिलाई नेकपा माओबादी केन्द्र मालारानी गाउँपालिका कमिटी अध्यक्ष पदम क्षेत्रीले क्रमश रु ५ हजार र १ हजार नगद पुरस्कारले सम्मान समेत गर्नु भएको थियो ।

kk

ताजा समाचार