श्याम घिमिरे,
जेठ १८ सन्धिखर्क-
राष्ट्रघाती नागरिकता बिधेयक प्रमाणिकरणको विरोधमा नेपाल कम्युनिष्ट पार्टी मशाल अर्घाखाँचीले बिहिवार विरोधसभा सम्पन्न गरेको छ । सन्धिखर्कको शान्ति बगैचा चोकमा सम्पन्न बिरोध सभालाई सम्बोधन गर्दे नेकपा (मशाल) अर्घाखाँचीका प्रवक्ता कमल भुसालले राष्ट्रपतिले राष्ट्रघाती नागरिकता बिधेयक प्रमाणिकरण गरेर नेपाली जनतालाई धोका दिएको बताउनु भयो ।
भुसालले देशलाई सिक्किमिकरण र फिजिकरणको दिशामा धकेलेको भन्दै राष्ट्र र राष्ट्रियता बचाउन सबै देशभक्त, जनतान्त्रिक र वामपंथी शक्तिहरु एक भएर अगाडी बढ्नुपर्नेमा जोड दिनुभयो । कार्यक्रम नेपाल कम्युनिष्ट पार्टी मशालका जिल्ला सदस्य राजेन्द्र नेपालीको सञ्चालनमा सम्पन्न भएको हो ।
