श्याम घिमिरे,
सन्धिखर्क भदौ ४-
भुमिकास्थान नगरपालीका वडानम्वर ४ धारापानी निवासी स्वर्गीय कृष्ण बहादुर खत्रीको स्मृतिमा सन्धिखर्क नगरपालीका १ मा रहेको निर्मल नवज्योति सुस्त मनःस्थिति बिद्यालयमा सोमवार एक कार्यक्रमका बिच खाद्य सामाग्री सहित फलफुल हस्तान्तरण गरीएको छ । गत बर्षको असार २० गते कपिलबस्तुको कोइली बनगाइमा सडक दुर्घटनामापरि ज्यान गुमाएका खत्रीको सम्झनामा उक्त खाद्य सामाग्री हस्तान्तरण गरीएको हो ।
सामाग्री स्वर्गीय केसीकी पत्नी साबित्रा रायमाझी (केसी),बुवा यम बहादुर केसी र छोरा प्रविन केसीले संयुक्त रुपमा बिद्यालयका प्रअ कमला भुसाललाई हस्तान्तरण गर्नु भएको श्रृजना भाटले जानकारी दिनुभयो । सोहि कार्यक्रममा सन्धिखर्क ९ निवासी स्वर्गीय हुमकला खड्काको स्मृतिमा छोराबुहारी विष्णु खड्का र देवि खड्काले पनि खाद्य सामाग्री प्रदान गर्नुभएको भाटले बताउनुभयो ।
स्वर्गीय खत्रीको परीवारले यस अघि भुमिकास्थान नगरपालीका वडानम्वर ४ धारापानीमा रहेको शान्ति माध्यमिक बिद्यालयमा ५१ हजार १ सय ११ रुपैयाँको अक्षय कोष स्थापना गर्नुभएको थियो । धारापानी स्वास्थ्य चौकिमा कार्यरत खत्रीको २०७९ असार २० गते कपिलबस्तुको कोइली बनगाइमा सडक दुर्घटनामापरि ४५ बर्षको उमेरमा ज्यान गएको थियो ।
