अर्घाखाँचीमा चट्याङ लागेर २० बर्षीय युवककोे ज्यान गयो, चार गम्भीर घाइते

१८ भाद्र २०८०, सोमबार २१:२२ 1 Minute 82 Views

श्याम घिमिरे, भदौ १८

अर्घाखाँचीमा चट्याङ लागेर एक जनाको ज्यान गएको छ । जिल्लाको मालारानी गाउँपालीका ९ गोखुङ्गाको लादेकापोखरा भन्ने स्थानमा सोमवार दिउँसो चट्याङ लागेर एक जनाको ज्यान गएको हो । ज्यान जानेमा मालारानी गाउँपालिका–९ गोखुङ्गा सेपानी (सल्लेनधारा) निवासी २० वर्षीय मिलन खनाल रहेको जिल्ला प्रहरी कार्यालय अर्घाखाँचीका सुचना अधिकारी प्रहरी निरीक्षक बिक्रम रिजालले जानकारी दिनुभयो । खनालको अर्घाखाँची अस्पताल सन्धिखर्कमा उपचारको क्रममा ज्यान गएको हो ।

यस्तै चट्याङ लागेर अन्य चारजना गम्भीर घाइते भएका छन् । गम्भीर घाइते हुनेमा सोहि ठाँउ निवासी २० बर्षीय दामोदर खनाल, २५ बर्षीय जेमबहादुर पुन, २२ बर्षीय चन्द्र बहादर पुन र २५ बर्षीय लिलबहादुर पुन रहेका छन । घाइते चारै जनालाई अर्घाखाँची अस्पतालमा सामान्य उपचारपछि लुम्बिनी प्रादेशिक अस्पताल बुटबल रिफर गरिएको प्रहरीले जनाएको छ ।

 

kk

ताजा समाचार