प्रहरीले जनअपेक्षा अनुसार काम गर्छ : डिएसपी राठौर

२४ भाद्र २०८०, आईतवार २०:४९ 1 Minute 186 Views

श्याम घिमिरे,
भदौ २४ अर्घाखाँची

जिल्ला प्रहरी कार्यालय अर्घाखाँचीका प्रहरी प्रमुख प्रहरी नायव उपरीक्षक प्रतित सिंह राठौरले जनअपेक्षा अनुसार प्रहरीले सेवा दिने बताउनुभएको छ । जिल्लामा क्रियाशिल सञ्चारकर्मीहरुसंग आईतवार जिल्ला प्रहरी कार्यालय अर्घाखाँचीमा भएको परीचयात्मक कार्यक्रममा बोल्दै प्रहरी प्रमुख राठौरले यस्तो बताउनु भएको हो ।

केहिदिन मात्र सरुवा भई अर्घाखाँची आउनुभएका प्रहरी प्रमुख राठौरले बिधिको शासन कायम गर्न आफु प्रतिवद्ध रहेको भन्दै यसका लागि सवै पक्षको साथ र समर्थनको अपेक्षा गरेको बताउनुभयो । कानुन बिपरीत कार्य गर्नेलाई कानुनी दायरामा ल्याउने भन्दै उहाँले आफु जिल्लामा रहुन्जेल पूर्वाग्रह बिना काम गर्ने प्रतिबद्धता व्यक्त गर्नुभयो । राठौरले जिल्लामा शान्तिसुरक्षा कायम गर्न र बिभिन्न खाले अपराधहरुलाई न्युनिकरण गर्न पत्रकारसंग सहकार्य गरेर अगाडी बढ्ने समेत बताउनुभयो ।

जिल्लामा रहेका क्रियाशिल सञ्चाकर्मीहरुको सहभागीता रहेको कार्यक्रममा बोल्दै नेपाल पत्रकार महासंघका अध्यक्ष अशोक खनालले प्रहरी र पत्रकार बिच नङ र मासुको जस्तै सम्बन्ध रहेको भन्दै सकरात्कम सोचका काम गर्न सबैलाई आग्रह गर्नुभयो । कार्यक्रममा जिल्लाको समसामयिक शान्ती सुरक्षाको वस्तुस्थिती, स्थानिय स्तरमा सुरक्षासंग सम्बन्धित समस्याहरुलगायतका बिषयबस्तुमा छलफल समेत गरिएको थियो ।

 

kk

ताजा समाचार