श्याम घिमिरे,
भदौ ३० सन्धिखर्क
सन्धिखर्क नगरपालिकाको आयोजनामा आर्थिक बर्ष २०७९/०८० को बार्षिक समिक्षा कार्यक्रम सुक्रवार सन्धिखर्कमा सम्पन्न भएको छ । नगरप्रमुख कृष्णप्रसाद श्रेष्ठको अध्यक्षता र राजश्व शाखाका प्रमुख मुक्तिराम खनालको सञ्चालनमा सम्पन्न कार्यक्रममा नगर उपप्रमुख मिश्रा आचार्य, प्रमुख प्रशासकीय अधिकृत खुमलाल भुसाल,वडानं ७ का अध्यक्ष चुरा केसी,पत्रकार महासंघका अध्यक्ष अशोक खनाललगायतले मन्तव्य राख्नुभएको थियो ।

कार्यक्रममा योजना शाखा प्रमुख दिलिप केसिले आर्थिक वर्ष ०७९/८० मा भएका कामहरुको प्रगति प्रतिवेदन प्रस्तुत गर्नुभएको थियो । कार्यक्रममा नगरप्रमुख श्रेष्ठले नगरले हालसम्म गरेका उत्कृष्ट कार्यहरु सहित बिकास निर्माण सम्बन्धी समसामयिक बिषयमा जानकारी गराउनु भएको थियो । श्रेष्ठले नगरपालीकाले बिकास निर्माणमा बिस्तारै फड्को मार्दे गएको समेत बताउनु भएको थियो । कार्यक्रममा वडाअध्यक्ष,कार्यपालीका सदस्य,नगरसभा सदस्य, बिभिन्न शाखाका प्रमुख,सञ्चारकर्मी लगायतको उपस्थिति रहेको थियो ।