श्री अर्घामहाकाली देवीको स्तुति

१५ कार्तिक २०८०, बुधबार १४:५९ 0 Minutes 540 Views

के पी भुसाल ‘अजस’ 
हे देवी जननी महाभगवती अर्घा विराज्मान् सधै
बिन्ती गर्छु म दास हुँ चरणको सत्बुद्धि पाउँ खुबै,
हे काली जगदम्बिका जगतकी माता दया सागर,
सारा कष्ट विनाशमा हजुरको लागोस दृष्टिगोचर ।

हे दुर्गा सब भक्तकी हजुर नै, सन्ताप हर्ने हुदा,
सेवा गर्न तयार छौं हरघडी अज्ञान् हटोस् सर्वदा,
पापी दानवको विनाश गरने, देवी तिमी सार्थक,
पुण्यात्मा मनका सबै मनुजकी,लक्ष्मी तिमी पालक ।

अर्घा ग्राम रहेछ यो भुवनमा, देवी प्रभावस्थल,
गर्छौ पूजन धैर्यसाथ खुस भै,माफ्होस् भएमा भुल,
देवी शक्ति अनेक रूप बुझदै ध्यान्गर्दछौ सत्जन,
अर्घाकी जननी महाभगवती, गर्छौ सदा पूजन ।

बज्छन् घण्ट र शंख दैनिक जसो झाली र बाजाहरू,
चढ्छन् कैयन शुद्ध बस्तु पनिता,टीका प्रसादीहरू,
अर्पन्छौ हरबस्तु हर्षित खुबै, चल्ने सुवासित् हरू,
जय् अर्घाजननी महाभगवती, वर्दान माग्छौ बरू ।

टाढाबाट तमाम भक्तजनता आएर अर्घा महाँ,
गर्छन् भाक्कल नै प्रसन्न मनले,इच्छा पुरागर्नमा,
जय् देवी जननी खुसीहुनुभई, माफ्गर्नु गल्ती झुरा,
जय् जय् जननी अर्घाभगवती सब् ताप् हर्नोस् पुरा ।।

प्रकाशन मिति : २०८० कार्तिक १५

kk

ताजा समाचार