त्रिवेणी सहकारी संस्था लिमिटेडको १२ औं बार्षिक साधारण सभा सम्पन्न

१८ कार्तिक २०८०, शनिबार १३:५३ 0 Minutes 281 Views

श्याम घिमिरे,
कार्तिक १८ अर्घाखाँची

त्रिवेणी बचत तथा ऋण सहकारी संस्था लिमिटेड सन्धिखर्क २, को १२ औं बार्षिक साधारण सभा सनिवार सन्धिखर्कमा सम्पन्न भएको छ । साधारण सभाको सन्धिखर्क नगरप्रमुख कृष्णप्रसाद श्रेष्ठले पानसमा दिप प्रज्ज्वलनगरी उद्घाटन गर्नुभएको हो । कार्यक्रममा मनतब्य राख्दै नगरप्रमुख श्रेष्ठले सहकारीहरुले आफ्नो गुणस्तरलाई पहिलो प्राथमिकता दिनुपर्ने बताउनुभयो । श्रेष्ठले सहकारीहरु धेरै नभइ थोरै र गुणस्तरीय हुन आवश्यक रहेको भन्दै जिल्लामा ठुलो संस्था निर्माणकोलागी सहकारीहरु मर्जमा जानुपर्नेमा सबै सहकारीहरुको ध्यानाकार्षण पनि गराउनुभयो ।

पछिल्लो समय देशमा सहकारी आतंक बढीरहेको भन्दै श्रेष्ठले सहकारीले शेयर सदस्यको लगानीको सुरक्षा गर्नुपर्नेमा जोड दिनुभयो । बाहीरी जिल्लामा सहकारी आतंकका समस्या आउने गरेको भएपनि अर्घाखाँचीमा यस्ता समस्या नआउनेमा आफु विस्वस्त रहेको श्रेष्ठको भनाई छ । श्रेष्ठले नगरपालीका सहकारीको बिकासकोलागी सहयोग गर्न तयार रहेको समेत प्रष्ट पार्नुभयो । श्रेष्ठले त्रिवेणी सहकारीले गरेका कामहरु प्रशंसनीय रहेको भन्दै आगामी दिनहरुमापनि प्रशंसनिय काम गर्न आग्रह गर्नुभयो ।

सञ्चालक समितिको तर्फबाट अध्यक्ष कमल प्रसाद घिमिरे, कोषाध्यक्ष टोपलाल खनाल, लेखा सुपरिवेक्षण समितिका चोपनारायण बन्जाडे र व्यवस्थापक तुल्सीराम खनालले छुट्टा–छुट्टै प्रगति प्रतिवेदन प्रस्तुत गर्नुभएको कार्यक्रममा सन्धिखर्क २ नम्वर वडाअध्यक्ष मोतिजंग रायमाझी,जिल्ला सहकारी संघका उपाध्यक्ष लक्ष्मण कँडेल, जिल्ला बचत तथा ऋण सहकारी संघका अध्यक्ष दोर्ण प्रसाद भुसाल, पत्रकार महासंघका सचिव बिनोद गैरैलगायतले शुभकामना मन्तव्य राख्नुभएको थियो ।

यसैबिच सहकारीले साधारणसभाको अवसर पारी जेष्ठ सदस्य कृष्णप्रसाद पोख्रेललाई सम्मान गरेको छ ।सहकारीले माया आले, टेकराज पुनमगर, फर्सुराम भुसाल, पवित्रा सापकोटा, ओम बहादुर रोका, शिव प्रसाद बन्जाडे, उमेश भुसाल र तुल्सा खत्रीलाई असल कारोवारीको रुपमा सम्मान गरेको छ । यस्तै एसईईमा उत्कृष्ट अंक ल्याउने शेयर सदस्यहरुका छोराछोरीहरु मध्ये सुविन बेल्बासे, आकृति सापकोटा, डेबिट खनाल र अनु बेल्वासेलाई विद्यार्थी सम्मान कार्यक्रम अन्र्तगत सम्मान गरेको छ भने पत्रकारीताको क्षेत्रबाट संस्थालाई सहयोगगर्ने पत्रकार नविन बिकलाई नगद र प्रमाणपत्रले सम्मान गरेको छ ।

कार्यक्रममा प्रत्येक महिनाको पहिलो मालिक सम्मान संगै उत्कृष्ट कर्मचारीको रुपमा  साकोसको कार्यालय सहायक विधाता श्रेष्ठलाई सम्मान गरीएको थियो । कार्यक्रम संस्थाका अध्यक्ष कमलप्रसाद घिमिरेको अध्यक्षता, उपाध्यक्ष यमकला बन्जाडेको स्वागत मनतब्य र सचिब नारायण प्रसाद भुसालको सञ्चालनमा सम्पन्न भएको हो ।

२०६८ सालमा स्थापित संस्थामा हाल शेयर सदस्य र बाल सदस्य गरी १२ सय ४८ जना शेयर सदस्यहरु आबद्ध रहेका छन भने करिब १७ करोडको कुल पुँजी रहेको छ । यस्तै १० करोड २१ लाखभन्दा माथी ऋण लगानी , १० करोड ५२ लाख बचत र ३ करोड ५२ लाख शेयर पुँजी रहेको सहकारीले जनाएको छ । १ करोड ६ लाख रुपैया जगेडा कोष रहेको संस्थाले ९.३ प्रतिशत लाभांस रकम बितरण गरेको संस्थाका व्यवस्थापक तुल्सी खनालले जानकारी दिनुभयोे । संस्थाले बिभिन्न सामाजीक कार्य संगै सचेतनामुलक गतिबिधिहरु समेत सञ्चालन गर्दे आईरहेको छ ।

kk

ताजा समाचार