अनुभवका कुरा

६ मंसिर २०८०, बुधबार ००:२३ 0 Minutes 398 Views

के पी भुसाल ‘अजस’
(१)
घमण्ड घातहो हेर, अग्रगामी निकासको,
अहङ्कार सकाउँछ,मान निष्ठा मनुष्यको ।
(२)
मान्छेको गुणहो हेर, नम्रता अतिउत्तम,
संकट जोखिमी घेर्दा,उम्कने बन्छ साधन ।
(३)
पाप हुन्छ अरूमाथि खेदो गर्नु अकार्थमा,
सहोदर तथा ज्ञानी , दुखमा हुन्न साथमा ।
(४)
धोका दिने अरूलाई, पार हुन्न कदाचन ,
बिगार्ने पुल नै मूर्ख, तैरला कसरी भन ।
(५)
सनकी अठवा ब्यक्ति,निहुरन्न कतै शिर,
गुदिलो धानको बाला,फर्कन्छ धरती तिर ।
(६)
नगर्नु झुटको खेती, सप्रन्छ सहजै अति,
बिगार्छ आफनै बारी,बिग्रन्छ मान सन्नति ।
(७)
फूल र रूपको ख्याति,टिक्दैन सर्वदा रती,
रोकिदैन निमेष्भर् नै धर्तीमा चक्रवत् गति ।
(८)
रहेछ दुखको बारी, जागिर पनिता सधै,
यदा सत्य गरे खेती,दिन्छ उब्जा मिठो सिधै ।।

प्रकाशन मिति : २०८० मंसिर ६

kk

ताजा समाचार