शहीद (उपजाति)

२२ पुष २०८०, आईतवार ०५:१० 1 Minute 125 Views

के पी भुसाल ’अजस ’
(१)
शहीदको यादमा कसरी म लेखुँ,
छ तिब्र इच्छा सहजै म पोखुँ,
के बोल्नु भन्दै मन खिन्न ठान्दा,
लेख्नु उचित हो मन थाम्नु भन्दा ।
(२)
थिएन केही घरमा कमाइ ,
समृध्दि खोज्थे घरको बसाइ,
सोंचेर राम्रा सपना अनेक,
खोज्थे कठै ती सतकाम् विवेक ।
(३)
भेटाइ केही मनका निकास ,
लागे सुकर्मी महती प्रदेश,
छाडे खुसीमा घरको बसाइँ ,
दिनेछ भन्दै सरकार् बिदाइ ।
(४)
यी हात हाम्रा फितला नठान,
गरेर खाँने क्षमता छ जान,
केही छ काँडा पथका हटाउ,
विदेश जान्छौ यतिता सघाउ ।
(५)
कमाइ गर्छौं पसिना बगाइ,
बुझाइ केह्री कर राज्य लाइ,
टर्नेछ संकट् छ यही पुकार,
हुनेछ हाम्रो घरको सुधार ।
(६)
विन्ती विछाए गरदै सुसार,
गर्थे विलौना मनका हजार,
भएन केही सुनवाइ हेर,
गए विचारा अनमोल खेर ।
(७)
रिसाइ गोली निठुरी चलाए,
ताकेर छाती कसरी ढलाए,
मारेर आफ्नै घर भित्र भाइ,
बाँच्ने कसोरी भन धुर्त दाइ ।
(८)
नेपाल हाम्रो छ सधै कमान,
ज्ञानी छ जन्ताा किनभो अमान,
लुटेर खाँदै पसिना अधर्मी,
शहीद बनायौ किन ती सुकर्मी ।।

प्रकाशन मिति :२०८० पुष २२

kk

ताजा समाचार